أعرب أحمد سمير عن سعادته بالتواجد في صفوف النادي الإسماعيلي وعن الهدف الذي أحرزه لفريقه أمام طلائع الجيش، في المباراة التي جمعتهما ضمن مؤجلات الجولة الـ7 من بطولة الدوري الممتاز.
وقال أحمد سمير – في حوار لفضائية “الحياة”-: “بقالنا فترة الظروف وحشة في النادي والناس مش قادرة تصبر علينا وكنت متضايق جدا من هجومهم عليا”.
وعن هدفه “الحمد لله قدرت أحرز هدف اليوم في الماتش وأساعد فريقي في الفوز النهاردة”.
وتطرق الى طريقة إحتفاله بالهدف “احتفالي بتلك الطريق كان لتوجيه رسالة للناس اللى بتنتقدنى والناس اللى بتقول اني جاى سنه إعاره وماشى ومش مهتم بنادى الاسماعيلى.. وبقولهم أن ده أكل عيشى وبعمل اللى عليا”.
وتمكن الإسماعلي في تحقيق الفوز على طلائع الجيش بنتيجة (2-1)، ليرفع رصيده الى 28 نقطة في المركز التاسع بالتساوي مع سموحة والإنتاج الحربي.